В Кореличах ко Дню семьи состоялся 40-й районный спортивный праздник

15 мая. 10.00. Стадыён «Юнацтва» г.п. Карэлічы. Тут сабраліся арганізатары, удзельнікі, госці культурна-спартыўнага свята, якое ладзіцца ў рамках праекта «Карэлічы — здаровы пасёлак» і з мэтай падвядзення вынікаў спартыўна-масавай работы ў калектывах фізкультуры раёна, выяўлення мацнейшых спартсменаў і каманд для ўдзелу ў абласных спаборніцтвах і спартакіядзе «Залаты колас».

Photo 2021 05 18 14 23 37

Гэта юбілейнае 40-е раённае спартыўнае свята, якое прымеркавана да Года народнага адзінства. Сімвалічна і тое, што яно праводзіцца ў Міжнародны дзень сям’і, якая была і застаецца захавальніцай чалавечых каштоўнасцей, культуры і гістарычнай пераемнасці пакаленняў, фактарам стабільнасці і развіцця.

У праграму свята ўключаны 10 відаў спорту: валейбол, перацягванне каната, гіравы спорт, тэст Купера, лёгкаатлетычная эстафета, міні-футбол, гарадошны спорт, дартс (жаночы і сярод кіраўнікоў), стральба (мужчынская і сярод кіраўнікоў), скандынаўская хада.

З прывітальным словам выступілі старшыня Карэліцкага раённага выканаўчага камітэта Генадзій Шатуеў і загадчык сектара спорту і турызму Карэліцкага раённага выканаўчага камітэта Мікалай Барэйка.

Для ўзняцця сцяга Рэспублікі Беларусь запрашаюцца майстар спорту міжнароднага класа Рэспублікі Беларусь, 4-кратны чэмпіён свету і Еўропы па гіравым спорце Мікалай Барыла і пераможца, шматкратны прызёр абласных спаборніцтваў сярод сельскіх жыхароў Анастасія Баранава, а для ўзняцця сцяга г.п. Карэлічы — майстар спорту СССР па цяжкай атлетыцы, трэнер-выкладчык ДУ «Дзіцячая юнацкая спартыўная школа Карэліцкага раёна», які падрыхтаваў 2 майстроў міжнароднага класа і 21 майстра спорту Рэспублікі Беларусь, Святаслаў Палуян і майстар спорту па цяжкай атлетыцы і пауэрліфтынгу, 2-кратны чэмпіён Рэспублікі Беларусь у жыме штангі лежачы Дзмітрый Бязмен.
Спаборніцтвы пачынаюцца. Гучаць цудоўныя мелодыі ў выкананні работнікаў культуры раёна. Мы прадаўжаем знаёміцца з удзельнікамі і гасцямі свята, якія ахвотна дзеляцца сваімі меркаваннямі.

photo 2021-05-18 14-23-39
photo 2021-05-18 14-23-40
photo 2021-05-18 14-23-45
photo 2021-05-18 14-23-48
photo 2021-05-18 14-23-51
photo 2021-05-18 14-23-55
photo 2021-05-18 14-23-59
photo 2021-05-18 14-24-01
photo 2021-05-18 14-24-04
photo 2021-05-18 14-24-08
photo 2021-05-18 14-24-12

Наталля КАЗАРЭЗ,
старшыня Карэліцкага райкама прафсаюза работнікаў культуры, інфармацыі, спорту і турызму:
— У свяце прымаем самы непасрэдны ўдзел. Будзем удзельнічаць у шасці відах спорту. Гэта стральба, тэст Купера, эстафета, дартс, гарадкі, скандынаўская хада. У нас дзевяць удзельнікаў на чале з начальнікам аддзела ідэалагічнай работы, культуры і па справах моладзі Карэліцкага райвыканкама, старшынёй РА РГА «Беларускі саюз жанчын» Інай Санчук. Да таго ж, работнікі культуры будуць дарыць удзельнікам мерапрыемства добрыя песні.

Photo 2021 05 18 14 24 14

Вольга СТАНКЕВІЧ,
урач-кардыёлаг УАЗ «Карэліцкая цэнтральная раённая бальніца»:
— Правядзенне мерапрыемства накіравана на выхаванне ў моладзі здаровага ладу жыцця, каб яна прывучалася да беражлівых адносін да сябе і свайго здароўя. Трэба весці здаровы лад жыцця і займацца спортам, павялічваць фізічную актыўнасць, адмовіцца ад курэння, сачыць за вагой цела і г.д. Ёсць пажаданні і людзям пажылога ўзросту: больш знаходзіцца на свежым паветры, сачыць за фізічнымі нагрузкамі, звяртацца да ўрачоў пры праходжанні штогадовых медыцынскіх аглядаў. Адным словам, здароўе — найвялікшая каштоўнасць, і трэба, каб яно не падводзіла.

Photo 2021 05 18 14 24 17

Юрый МАКАР,
настаўнік фізічнай культуры і здароўя ДУА «Ярэміцкі ВПК дзіцячы сад-БШ»:
— Свята праводзіцца ў 40-ы раз. Яно патрэбна, каб усе былі здаровыя, каб падтрымлівалі форму на працягу года. Мацнейшыя рыхтаваліся для ўдзелу ў абласных спаборніцтвах. А яшчэ свята — гэта прапаганда здаровага ладу жыцця, прыклад для падрастаючага пакалення. Я сябрую са спортам з пятага класа — займаўся барацьбой, а з восьмага класа — лёгкай атлетыкай. З 1988 года выкладаю фізкультуру: спачатку ў ДЮСШ, а з 2003 года — настаўнік фізічнай культуры і здароўя ў школе. Лічу гэты прадмет не менш важнымі, чым астатнія, бо ён дапамагае захаваць здароўе, хлапчукам падрыхтавацца да службы ў арміі, быць заўсёды энергічнымі, актыўнымі, падцягнутымі. Сябруйце са спортам!

Photo 2021 05 18 14 24 21

Святлана САНЦЭВІЧ,
старшыня Карэліцкай раённай арганізацыі Беларускага Таварыства Чырвонага Крыжа:
— Нашы валанцёры раздаюць чыстую пітную ваду ўдзельнікам свята, вымяраем узровень кіслароду ў крыві. Распаўсюджваем буклеты па прафілактыцы захворванняў. Прапаноўваем анкеты, якія вызначаюць рызыку неінфекцыйных захворванняў. Дапамагаюць у некаторых пытаннях валанцёры раённай арганізацыі Чырвонага Крыжа і валанцёры мірскага валанцёрскага атрада Чырвонага Крыжа «СТРЫЖ».

Тут жа працуюць урачы: анколаг, кардыёлаг, эндакрынолаг, фельчар-валеёлаг. Можна змераць узровень артэрыяльнага ціску, цукру ў крыві, атрымаць кансультацыю вышэй пералічаных спецыялістаў і атрымаць пазачарговы талон для даабследавання пры выяўленні паталогіі.

Photo 2021 05 18 14 24 24

Алена РАМАНЧУК,
урач-валеёлаг (загадчык) аддзела грамадскага здароўя Гродзенскага абласнога цэнтра гігіены і эпідэміялогіі і грамадскага здароўя, галоўны пазаштатны спецыяліст па валеалогіі Галоўнага ўпраўлення аховы здароўя Гродзенскага аблвыканкама:
— Праект «Здаровыя гарады і пасёлкі» — праект Сусветнай арганізацыі аховы здароўя. Гэтаму праекту больш за 30 гадоў, ён ахоплівае 1800 гарадоў з 55 краін свету. Першым да яго далучыўся г. Горкі Магілёўскай вобласці. У Гродзенскай вобласці праект з 2015 года рэалізуецца ў г. Астравец. На 1 студзеня 2021 года ў яго рэалізацыі ўдзельнічаюць 139 населеных пунктаў, у Гродзенскай вобласці — 21. У гэтым годзе да праекта далучыліся г. Гродна і г.п. Карэлічы. У 2019 годзе пачаў удзельнічаць г.п. Мір. Нагадаю асноўныя накірункі праекта: здаровае гарадское планаванне, здаровае харчаванне, папулярызацыя фізічнай актыўнасці, прафілактыка тытунекурэння, развіццё мясцовых ініцыятыў, а таксама мэту: стварэнне горада ці населенага пункта, які жыве па прынцыпах здаровага ладу жыцця, у якім насельніцтва адказна адносіцца да асабістага здароўя і маюцца ўмовы для яго захавання і ўмацавання.

Photo 2021 05 18 14 24 29

Вікторыя БАЗАР,
жыхарка вёскі Кальчычы Красненскага сельсавета, маці дваіх дзяцей:
— На свята прыехала з дзецьмі Дзімай і Кірай. Удзельнічае ў спаборніцтвах мой старэйшы брат Мікалай, прыехалі падтрымаць яго.

Спорт — гэта лад жыцця. Хачу, каб дзеці раслі здаровымі. Сын шмат бегае, гуляе ў футбол. Я люблю спорт, асабліва бег. Бег — гэта здароўе і імкненне да новага жыцця. Заўсёды буду падтрымліваць дзяцей у занятках спортам.

Старшыня Карэліцкага райвыканкама Генадзій Шатуеў уручыў узнагароды лепшым спартсменам у розных катэгорыях, а таксама памятныя падарункі — ад аддзела ідэалагічнай работы, культуры і справах моладзі райвыканкама атрымалі спартыўныя сем’і.

Photo 2021 05 18 14 24 32

Па матэрыялам раеннай газеты «Полымя»

Мы на карте

Республика Беларусь,
Гродненская область,
гп. Кореличи, ул. 8 Марта, 62

Скорая помощь
8 (01596) 7-07-30 Регистратура
8 (01596) 2-21-32 Справочная стационара
8 (01596) 2-07-18 info@korcrb.by


002 003 005 007 010 009 013 012 Banner 24health  Bsmu 022 023 Logo Pomogut Banner Olimpik 025 027 028 031  guzo gocb  sm  God Edinstva Narshod2021 Etalon Online Tibo21 God Ne2021 Vak In 20072021 Belstat Gerb Fb